عصابة جوي ويلر

عصابة تسعى لكل مميز وجديد
 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 ادري وجودي بينهم محرق اعصابهم

اذهب الى الأسفل 
كاتب الموضوعرسالة
تكروني أبيض
صغير التنين
صغير التنين


عدد الرسائل : 47
تاريخ التسجيل : 09/10/2007

مُساهمةموضوع: ادري وجودي بينهم محرق اعصابهم   الثلاثاء أكتوبر 09, 2007 3:59 pm

يا كثر ما رافقت خلان وأحباب
ويا كثر مافي شدتي هملوني

على كثر ما عندهم ستر وحجاب
على كثر ما احتجتهم و اتركوني

من صارت الخوة ثمن حفنة اتراب
نفس الوجيه إلي نصوني نسوني

من غير ذكر عروق وفروق وانساب
كانوا ثلاثة والثلاثة جفوني

عملتهم اشلون الأهداف تنصاب
ولمن سواعدهم قوت صوبوني

عشاني أصغرهم عمر صاروا أحزاب
عشاني أصدقهم قصيد ظلموني

إلي نجاح أسمي زرع فيهم أنياب
حتى النصيحة ما بغوا ينصحوني

دام العطايا عندهم دين وأتعاب
والله لو أطلب ذنبهم ما عطوني

طالب نصيحة كأني مطالب إرقاب
وهي نصيحة كيف لو زوجوني

كنت أكتب لنفسي مشاريه وأعتاب
ولا أدري إلي قلوني قلوني

تضاربت من دوني أعقول وألباب
واجد بغوا غيري أو واجد بغوني

أقفل هدب وتسهر على شعري أهداب
كني حبست ارقادهم في جفوني

لو شفتهم واحد يشفوني اسراب
من وين ودوا نظرهم لقوني

أدري وجودي بينهم محرق أعصاب
ومزعل بعضهم من بعض لو طروني

يا كبري بعيني وأنا توني بشاب
وهم كتاب الشعر حاربوني

حتى لو يهوى على نجمي إشهاب
يكفيني أن أسمي كبير بعيوني

جفت قال أبوي انهبتهم قول ما هاب
لو يقدرونك قول ما تقدروني

ما دام قبري محتضن راس مرقاب
على كثر ما تقدرون أدفنوني

لو ماني بذيب انهشت عظمي اذياب
لو ما قدرت أثبت وجودي لغوني

لو ما سكنت وجيهم مت بغياب
لو ما عرفت أمحي ورقهم محوني

ما جيت أبد بكبدهم شعر وخطاب
لين أذبلت جبد الذي خلفوني

يا ويل وجهي كأنه للدمع مخلاب
ما جف ماه ولا استحى من ضعوني

كل ما طرا لي منظر مريب وارتاب
كان الوحيد الذي يحرك شجوني

قبلة صلاة وذكر وخشوع وكتاب
و أمي على سجادة النور دوني

تدعي لي الله يفتح بوجهي أبواب
وتتوسله بالشدة يكون عوني

من كثر ما خفاقاها لابذ وعذاب
صارت تحس أن زملاي كرهوني

بشرتها يمه معي ربع وأصحاب
ماني لحالي واجد إلي يبوني

من يوم ما حاز قلمي كل الألقاب
قلبتهم في دفتري واحفظوني

الله وهبنيهم بني عم وأجناب
من يوم جيت أعجبتهم وعجبوني

وإعجابهم فيني مهو بأية أعجاب
بأسلوبي بشرحي بطرحي بلوني

لوقلت عن نفسي بشر صرت كذاب
لو قلت دمي من ذهب صدقوني

لو بيدهم كان ازرعوا بدربي أعشاب
لو كيفهم يتشبهون اشبهوني

من كثر ما صاروا من اطبوعي اقاراب
حتى بطريقة لبسهم قلدوني

واجد دعوني وهم اقمدوني الباب
وإكثار ناس ابكي لهم ما بكوني

لو طال مبني لهم منسياب وأطناب
كانوا غلاتج من زمان اهدموني

ما دام حطوا فيني اعيوب وأسباب
جنبت عنهم مثل ما جنبوني

أصلاً لو أن بخوتي شي ينعاب
ذبحت نفسي قبل لا يذبحوني

أنا يدي لو ما كست متني إثياب
نذراً علي اقطع يدي من امتوني

مو عيب أجي مدعو ولا شوف ترحاب
العيب لو أني رجعت أن دعوني

ما دمت اجي ولا يحسبوا لي حساب
حرمت أروح إذا يبوني يجوني



لشاعر حـــامد زيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ادري وجودي بينهم محرق اعصابهم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عصابة جوي ويلر :: قلم المنتدى-
انتقل الى: