عصابة جوي ويلر

عصابة تسعى لكل مميز وجديد
 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 o O o فات الاوان ( عن الام ) o O o

اذهب الى الأسفل 
كاتب الموضوعرسالة
تكروني أبيض
صغير التنين
صغير التنين


عدد الرسائل : 47
تاريخ التسجيل : 09/10/2007

مُساهمةموضوع: o O o فات الاوان ( عن الام ) o O o   الثلاثاء أكتوبر 09, 2007 3:55 pm


يايمه منتهي جيتك وطالب منك الغفران

أقبل قاعة أقدامك واغسلها بدمعاتي

يايمه كل مافيني يناديلك أنا ندمان

طلبتك قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت وغلطتي هذي تعير كل غلطاتي

تشوف الشيب يايمه ترا ماجاء وأنا فرحان

وربي اللي رفع ذاتك ونزل للردى ذاتي

فقدت الراحة من بعدك فقدتك الطيبة والتحنان

بدونك راحتي غاية بيدينك هذي راحاتي

أنا بعدك ولا حاجة أنا بعدك ترا عميان

أشوف ولا أشوف اللي يوريني مساواتي

أنا وسيد الشقى والهم من بعد غدينا اخوان

يجيب هموم هالعالم ويرميها بمتاهاتي

صدقتي يوم قلتي لي تجينا اليوم بس تندم

رميتك في بداياتي رموني في نهاياتي

أنا منشانج بايده رماكي باسفل البركان

نخيتيني وطلبتيني ولاحصلتي نخواتي

مثل ماهنتي بعيوني عليهم قلبي يمه هان

رموني وطعتهم فزعه وأنا الدمعات فزعاتي

يايمه لا تظنيني أنا من فعلهم زعلان

سواد فيك سويته وسووا فيني اسواتي

يايمه يالله ضميني ودفيني بهالأحضان

أنا أدري فيك مشتاقة وهمك بس ملاقاتي

يايمه حيل ضمنيني أبي ارتاح أنا تعبان

تعبت من ذنوبي أبيك آخر مسافاتي

ابي اسمع منك أي كلمة لصوتك مسمعه ولهان

ابسمع يمه بصوتك ابذكر فيه نشواتي

اشوفك ساكته يمه غفيتي ولا أنا غلطان

غفيتي يابعد عمري تعبتي من مواساتي

يايمه طالبك قومي إذا لي في عيونك شان

أشوف الموت بعيونك عساها تخيب هقواتي

تعالوا يابشر شوفوا أنا محتار أنا تلفان

أنا أمي مدري وش فيها أنا مدري أنا أحاتي

شيلوا أمي أنا ماتت لا لا ترا غلطان

أنا أمي ماتخليني على حزني ووناتي

أنا أمي قلبها طيب ولا يمكن تبكي انسان

أنا أمي ماتبكيني ولا تتمنى آهاتي

يايمه صح مامتي وصح الموت لا ماحان

إذا متي أنا بعدك ابقضي وين ساعاتي

يايمه قومي يايمه وقولي الموت لا ماكان

أنا جيتك وأنا ناوي اببدا فيك جناتي

تركتيني ومتي ليه تركتيني وأنا غرقان

ولا مسموح ياوليدي ولا تلعنك لعناتي

أنا الجاني وأنا المجني وأنا المخطي وأنا الندمان

وأنا بايدي رميتك ايه وبعثرته ملفاتي

وجيت من الهنا مفلس وقلبي من الضنا خسران

تركتيني على ناري اعدد فيك زلاتي

ولاني مرضيني ربي ولاني تابع الشيطان

أنا بعدك ترا مابين نهاياتي وبداياتي

يايمه منتهي جيتك وكلي مرتجي غفران

وشفت الناس تلعني تحذرني من الآتي



تقبلوا تحياتي . . .
تكروني أبيض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
o O o فات الاوان ( عن الام ) o O o
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عصابة جوي ويلر :: قلم المنتدى-
انتقل الى: